លក្ខណៈពិសេស​ ៥ យ៉ាងរបស់ផ្លែដូងជួយព្យាបាលសង្វារ និង ថែរក្សាសម្ផស្សរបស់អ្នកអោយមានភាពអស្ចារ្យ

           ក្នុងការរស់នៅប្រចាំថ្ងៃមនុស្សម្នាក់ៗតែងតែប្រាថ្នាចង់បានស្បែកស្រស់ស្អាត ។ ស្បែកស្រស់ស្អាតភាគច្រើនវាបង្ករមកពីហ្សែនរបស់យើង ។ ប៉ុន្តែទោះបីជាហ្សែនល្អក៏ដោយក៏មនុស្សស្រីភាគច្រើនកើតមានសង្វារស្ទើរតែគ្រប់គ្នា។

មូលហេតុដែលធ្វើអោយអ្នកមានសង្វារ

សង្វារកើតឡើងដោយសារតែកោសិកាខទីសុនមានច្រើនពេកនៅលើស្បែករបស់អ្នក ហើយមួយវិញទៀតដោយសារតែការរីកលូតលាស់នៃស្រទាប់ស្បែកទើបបណ្តាលអោយមានសញ្ញា សម្គាល់នៅលើស្បែករបស់អ្នក ។ នៅមានហេតុផលជាច្រើនទៀតដែលបណ្តាលអោយមានសង្វារ ដូចជាការមានផ្ទៃពោះ និង ការសម្រកទម្ងន់ជាដើម ។

វិធីការពារកុំអោយមានសង្វារ

ក្នុងរយៈពេលថ្មីៗនេះមានការណែនាំជាច្រើនអំពីដំណោះស្រាយ និង នីតិវិធីព្យាបាលសង្វារនេះ ទៅតាមវិជ្ជបញ្ជា ។ ប៉ុន្តែឧសថនៅផ្ទះដូចជាប្រេងដូង វាមានប្រសិទ្ធិភាពខ្ពស់ក្នុងការព្យាបាល ជំងឺនេះ ។​ ប្រេងដូងវាមានប្រយោេជន៏ក្នុងការបំបាត់ស្លាកស្នាម,​ ប្រេងដូងផ្តល់សំណើមដល់ ស្បែក ហើយប្រឆាំងនឹងការរលាក ។  មិនតែប៉ុណ្ណោះវាជាផលិតផលប្រឆាំងនឹងជំងឺផ្សិត, ប្រឆាំងនឹង វីរុស ។ វាជួយបំបាត់ការរលាកដែលបណ្តាលមកពីការមានផ្ទៃពោះ ហើយ វាជួយចិញ្ចិមស្បែកខូច និងពង្រឹងកោសិកា ។ ប្រេងដូចមានផ្ទុកវីតាមីន E​ ជួយព្យាបាលស្បែក និង វីតាមីន K ជួយព្យា បាលកោសិកាខូច និង ស្លាប់ ។

ប្រេងដូងសម្រាប់ជួយព្យាបាលសង្វារ

យើងអាចយកប្រេងដូចមកប្រើប្រាស់តាមវិធីខាងក្រោម៖

ប្រេងដូងធម្មតា

• យកប្រេងដូង២​ ឬ ៣ដំណក់មកម៉ាស្សានៅលើកន្លែងដែលមានស្នាមសង្វារ
• ហើយទុកអោយយូរបន្តិចរហូតដល់វាជ្រាបចូលស្បែក
• ធ្វើបែបនេះជារៀងរាល់ថ្ងៃ នោះស្លាកស្នាមសង្វារនៅលើខ្លួនរបស់អ្នកនឹងបាត់អស់

ប្រេងដូងលាយជាមួយប្រេងល្ហុងខ្វង

• យកប្រេងដូង និង ប្រេងល្ហុងខ្វងមកលាយបញ្ចូលគ្នា​ បញ្ជាក់ប្រេងដូង និង ប្រេងល្ហុងខ្វងត្រូវតែមានបរិមានស្មើរគ្នា
• បន្ទាប់មកទៀតលាបវាទៅលើកន្លែងណាដែលមានស្នាម
• ធ្វើបែបនេះរាល់ថ្ងៃរហូតដល់សង្វារបាត់អស់

ប្រេងដូងលាយជាមួយរមៀត

• អ្នកត្រូវយកប្រេងដូង២ស្លាបព្រាមកលាយជាមួយនឹងប្រេងរមៀតមួយស្លាបព្រា
• ហើយយកវាមកជូតនៅត្រង់កន្លែងណាដែលមានស្នាម
• ទុករហូតបាន១៥នាទី​ទើបលាងសម្អាតវាចេញ
• ហើយអ្នកត្រូវធ្វើបែបនេះជារៀងរាល់ថ្ងៃ
• ដើម្បីអោយកាន់តែមានប្រសិទ្ធិភាពអ្នកអាចបន្ថែមទឹកក្រូចឆ្មាមួយស្លាបព្រាទៀត ។

ប្រេងដូងលាយជាមួយអំបិលនិងស្ករ

• យកប្រេងដូងពាក់កណ្តាលពែងមកលាយជាមួយស្ករ និង អំបិល ម្នាក់មួយពែង
• លាបហើយម៉ាស្សាទៅលើកន្លែងដែលមានស្នាមអោយបាន៥នាទី បន្ទាប់មកទុកវា អោយបាន១០នាទី
• ក្រោយពេល១០នាទីអ្នកត្រូវលាងសម្អាតវាចេញ​ រួចហើយអ្នកជូតវាអោយស្ងួត
• ធ្វើបែបនេះជារៀងរាល់ស្នាមសង្វាររបស់អ្នកនឹងបាត់អស់

ប្រេងដូងលាយជាមួយប្រេងអូលីវ

• ដំបូងអ្នកត្រូវលាយប្រេងដូង និង ប្រេងអូលីវ២ឬ៣ដំណក់បញ្ចូលគ្នា
• យកវាមកជូតថ្នមៗនៅកន្លែងដែលមានស្នាម
• ទុករហូតដល់ប្រេងជ្រាបចូលស្បែករបស់អ្នកទើបលាងទឹកចេញ
• ធ្វើបែបនេះជារៀងរាល់ថ្ងៃនោះស្បែកអ្នកនឹងបាត់ស្នាមសង្វារ